ببص ياامه قدامي
وانتي بصتك ليّه
أنام احلم بأحلامي
وانتي بتحلمي بيّه
شقيتي كتير عشان اكبر
واشوف الفرحه جوّ ايا
حياتك كلها تشقي
كفايا ريّحي كفايا
تخافي عليّه م السكّه
وم الأصحاب
ومن نفسي
يا أغلى هديّه من ربي
يا أغلى عليّه من نفسي
تقومي وانتي محنيّه
و شيبتك دمعه ف عنيّه
و بر ضه بتخد مي فيّه
تقولي خد وكل ياابني
ح اجيبلك حالآ الميه
كبر ت و عدت الأ يام
و قلبك لسّه ما اتغيّر
تبصي عليّه و تقو لي
تعا لى لحضني يا صغيّر
أنا ما اعرفش من غيرك
ح اكون في الدنيا عامل ايه
ومين غيرك يواسيني
ومين ياامه أفضفض ليه
ببص ياامه قدامي
وانتي بصتك ليّه
أنام احلم بأحلامي
وانتي بتحلمي بيّه
............................................... شعر / أيمن سراج الدين
ليست هناك تعليقات:
إرسال تعليق